Do Pal....

Na tanha tha, na tanha hoo, magar fir bhi hai tanhaiii…..
Hai lakhon dard sine me, magar fir bhi hansi aayiii………..
Kahin milti thi do sadke tere mere mohalle ki…
Na do pal mai wahan thehra, na do pal ko hi tu aayiii……

Na jane kyo teri khushboo meri sanson ki aadat hai..
Diye har zakhm tune hi magar tujhse hi rahat hai…
Sambhal jata hoo pee kar bhi mai har roz raton ko
Dua samjhu, saza samjhu, ya samjhu teri chahat hai…

Kabhi khamosh the ye lab, kabhi aankhon ne batain ki..
Kabhi gumnam subahon ne,meri rataon ki batain ki…
Tere do pal ke chahat ne kiya aisa asar mujh par…
Pata tha chand logo ko magar lakhon ne batain ki…

Mai bikhra hu unhi rahon pe jin par the chale hum-tum
Pade hai apni hi mehfil me kuch benam se gumsum
Mila humdard bhi tujhko humain sau dard dene par...
Magar wo humse behtar hai kabhi na keh sakoge tum..


NAVNEET

Mai , meri dharti, mera aakash, meri maa kehti hai..

Mai , meri dharti, mera aakash, meri maa kehti hai..

Ban ke wo dhadkan yahin mujhme kahin wo rehti hai..

Hoon bahut un aachalon se dur phir bhi jane kyo..

Ban ke wo saya har ek pal sang mere chalti hai………………….

Har khushi meri, tere chehre pe saaf dikh jati hai

“Badhe tu mere lal” yahi ek baat sada dohrati hai

Uge mera har pal, yahi ek chah liye wo dhalti hai…

Mai, meri dharti, mera aakash meri maa kehti hai……………

Har peher har pal mera, teri dua ka maan hai..

Tujhme me hai duniya meri aur tu mera bhagwaan hai,

Hu main ek jarra tu ban ke sans mujheme behti hai..

Mai ,meri dharti, mera aakash meri maa kehti hai………….

Nazar kuch keh rahi tumse.....

Nazar kuch keh rahi tumse jo samjho to inayat ho…

Lo chu lo aaj lab mere ki duniya se bagawat ho…

Teri sanson ki khusboo aaj ghul jaye mere tan me

Ki kaliyon ko bhi kanton se muhobbat ki ijazat ho…!

Bahane sau hai jine k magar mai mar mita tujh par..

Hai jane kaun si shokhi, zamana hai fida tujh par…

Suna hai log kehte hai teri baahon me jannat hai

Jo ho thodi bhi sachchai, loota doo mai khuda tujh par…!

Kabhi kehna tha kuch tumse, kabhi tum keh nahi paye

The tujhme kho gaye kuch yuu ki khud me reh nahi paye…

Na jane kaun sa ehsas tera chu gaya mujhko…

Laga gum mit gaye mere aur khusiyan seh nahi paye....!

kisi shayar ke lafzon si ajab hai kalpana teri…

tere is husn ki masumiyat pe hasrat fanaa meri.

Badi bezan si thi zindgi bina tere har mehfil me..

Behkti aarzoo ko mil gayii phir se panah teri..!

Nasha sau jam ka kam hai teri ankhon k pyalo se

Kyu tera ho gaya hoo mai tere un kuch sawalo se..

Yu mujhme bas gayi hai tu ho jaise tu meri dhadkan

Ki sapne jud gaye mere tere har ek khayalon se..!

Kabhi tu chand ka tukda, kabhi khushboo si kaliyo me..

Teri maujudagi payii subah ki rang raliyon me

Bhatakta phir raha har pal tere didaar ko ye dil…

Kabhi mandir ki chaukhat pe, kabhi kwaza ki galiyo me..!

Ek chahat ek khwahis bas tera ehsaas ho

Ek chahat ek khwahis bas tera ehsaas ho

Dur ho nazro se meri par tum dil ke paas ho

Jane tu ya jane na maine to itna jana hai

Tum hi meri zindgi ho aur mera viswas ho……….

Tum leher ho sagaro ki par kinara main nahi

Tum nazar ho har subah ki par nazara main nahi

Kaise keh du jee nahi sakta tumhare bin kabhi

Chah kar bhi tum na meri aur tumhara main nahi…………

Kuch kadam tum kya chale in zindgi ki rahon me

De gaye yadon ki gathri aaj meri bahon me

Tum ho jariya is dhadakte dil ko jine ke liye

Ban ke sapna reh gaye ho meri suni aankhon me………….

Main hawa ban kar teri aanchal ko jab lehraunga

Bund ban kar barishon ki jab kabhi takraunga

Phir bhala kaise kahogi dur tum jana nahi

Dhadkane ban kar teri bus main yahin rehjaunga………….

Navneet

Koi nazar bhar dekh le tujhko

Koi nazar bhar dekh le tujhko

Aur wo jee le chand sanseee………

Bin bole teri ek jhalak se

Kar le tujhse chand batain………..

Kisi ki dhadkan mange tujhse

Kushi ke din aur chand ratain…….

Koi khada hai pane ko bus

Teri hansi aur chand yadain………

Tarashti rehti hai ye do ankhain

Tumhe jo dekhe to chain aaye……

Tum hi subah ho is zindgi ki

Kaha hawa se tumhe bataye……

Hai chah dekhu teri nazar se

Bus chand sapney jo sach ho jaye…

Tum hi khusi ho aur dard ho tum

Kabhi tumhe ye samajh to aaye…..

Sanjoye rakhenge un palon ko

Jahan hai baki chand yadain apni……

Hai paas tere meri subah aur

Maine sameti hai ratain apni…….

Aye waqt rukja bus chand lamhe

Aadhi adhuri hai baatain apni……

Hai teri dhadkan meri amanat

Teri liye hai ye sanse apni………

Navneet