Pehchan..

In anjani si raton se jane kaisi pehchan si hai...
ankh hai thodi bhari si aur neende jara pareshan si hai...
bhuli si jin galiyon me hasta dekha apna bachpan...
sheher ki badhti bheed se sayad ye thodi hairan si hai...


kisi rakh se uthte dhue ka astitva bhala hum kya jane..
samsan me bikhri asthi hai ya yagya ki bedi kya jane..
kehte hai nayi suruwat ko bhi ek ant suhana lagta hai..
fir kaisi hai ye aagaaz naye yug ki bhala hum kya jane..


paththar ki thesh na seh paye, paththar ke phir bhagwan hai kyu
bikhre hai tere mere mazhub, fir allah ka farman hai kyu..
simti hai hamari soch yahan kahin pandit kahin imamon me..
do waqt jara khud se pucho ki aise hum insaan hai kyu...


jhuggiyon ki zindgi me kya palaingi khwahishey..
badh me dube gharon ka kya karengi barishey..
bikhre tute bartanon se shor bhi tham si gayi..
kis kanastar me bharenge umeed ki farmahishey.. 


kis manzil ki or badhe har rasta khud anjana hai..
dhundh ki chadar odh ke baitha yahan pe khud virana hai..
chalo chale us rah jahan pehchan hamari hum se ho
kahin jahan na keh jaye.. ye pagal hai DEEWANA hai..


Navneet...